“Ata a miña ventá chegaron voces
que falaban das marabillas doutros tempos:
Keops,
Babilonia,
Alexandría…
Cantos pans, suspiros,
deleites, suores, abrazos, envexas,
sangue…
Os concertos sublimes das carricantas
puxeron repíques de gloria
en cada pedra pulida con paixón.
Ainda que elas cantaban
polas outras sete marabillas sempre vivas:
a flor do sabugueiro coroada de abellas,
as lanceiras do sol por entre as nubes,
o cume nevado no mencer do Sanmamede,
a espiga de trigo dourada de fartura,
o regato cantareiro, pai do xunco, da salgueira e da abeleira,
o berro violeta das uces florecidas
e, segundo me contaron,
o azul do ceo deitado sobre as augas mariñas
nun orgasmo cósmico, infinito.“
Páxinas de Carricanta
Ana María Fernández
Edición Everest Galicia 2011
I.S.B.N.: 978-84-403-1152-8